പ്രശ്‌നങ്ങള്‍ എന്തു തന്നെ ഉണ്ടായാലും റിഷു ഇതുവരെ പരിശീലനം മുടക്കിയിട്ടില്ലെന്ന് പറയുന്നു പരിശീലകന്‍ രജീന്ദര്‍ സന്ധു. കാര്യമായ പോഷകാഹാരങ്ങളൊന്നും കഴിക്കാന്‍ പറ്റുന്നില്ലെങ്കിലും ഒരു മികച്ച ബോക്‌സറാണ് റിഷുവെന്നും സാക്ഷ്യപ്പെടുത്തുന്നു സന്ധു.
46 കിലോഗ്രാം വിഭാഗത്തില്‍ കഴിഞ്ഞ വര്‍ഷമാണ് റിഷു സംസ്ഥാന ചാമ്പ്യനായത്. ഡിസംബറില്‍ ഗ്വാളിയോറില്‍ നടന്ന ദേശീയ ചാമ്പ്യന്‍ഷിപ്പില്‍ ഹരിയാണയെ പ്രതിനിധീകരിക്കുകയും ചെയ്തു. നേരത്തെ രണ്ടു തവണ ഭിവാനിയിലും ഫരിദാബാദിലും നടന്ന ദേശീയ ചാമ്പ്യന്‍ഷിപ്പുകളില്‍ വെങ്കലം നേടിയ ചരിത്രവുമുണ്ട് ഈ പതിനാറുകാരിക്ക്. പരിശീലനത്തില്‍ കുറച്ചുകൂടി ശ്രദ്ധ ചെലുത്താനായാല്‍ ദേശീയ ചാമ്പ്യന്‍ഷിപ്പില്‍ ജയിക്കാമായിരുന്നുവെന്ന ആത്മവിശ്വാസം ഇപ്പോഴുമുണ്ട് റിഷുവിന്. പക്ഷേ, ജോലി ഒഴിഞ്ഞിട്ടുവേണ്ടെ. ഒരു നേരമെങ്കിലും നല്ലൊരു ഭക്ഷണം കിട്ടിയിട്ടുവേണ്ടെ.
റിഷുവിന്റെ കദനകഥ മാധ്യമങ്ങളില്‍ പ്രത്യക്ഷപ്പെട്ടതോടെ സഹായഹസ്തവുമായി സംസ്ഥാന സര്‍ക്കാര്‍ രംഗത്തെത്തിയിട്ടുണ്ട്. റിഷുവിന് സര്‍ക്കാര്‍ ഒരു ലക്ഷം രൂപയുടെ സഹായം പ്രഖ്യാപിച്ചു.ട ഇതിന് പുറമെ വിദഗ്ദ്ധ പരിശീലനത്തിനായി നാഷണല്‍ സ്‌പോര്‍ട്‌സ് അക്കാദമിയില്‍ ചേര്‍ക്കുമെന്നും സംസ്ഥാന സ്‌പോര്‍ട്‌സ്മന്ത്രി അനില്‍ വിജ് പറഞ്ഞു.
റിഷുവിന്റെ കദനകഥ മാധ്യമങ്ങളില്‍ പ്രത്യക്ഷപ്പെട്ടതോടെ സഹായഹസ്തവുമായി സംസ്ഥാന സര്‍ക്കാര്‍ രംഗത്തെത്തിയിട്ടുണ്ട്. റിഷുവിന് സര്‍ക്കാര്‍ ഒരു ലക്ഷം രൂപയുടെ സഹായം പ്രഖ്യാപിച്ചു.ട ഇതിന് പുറമെ വിദഗ്ദ്ധ പരിശീലനത്തിനായി നാഷണല്‍ സ്‌പോര്‍ട്‌സ് അക്കാദമിയില്‍ ചേര്‍ക്കുമെന്നും സംസ്ഥാന സ്‌പോര്‍ട്‌സ്മന്ത്രി അനില്‍ വിജ് പറഞ്ഞു.
0 Comments